<TEI> <teiHeader> <fileDesc> <titleStmt> <title type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition>Digitalisierte Ausgabe</edition> </editionStmt> <extent> <measure type="pages">1</measure> </extent> <publicationStmt> <pubPlace>Köln</pubPlace> <publisher> <orgName>Sprachliche Informationsverarbeitung, Universität zu Köln</orgName> <email>buero@spinfo.uni-koeln.de</email> <address> <addrLine>Albertus-Magnus-Platz</addrLine> <addrLine>50923 Köln</addrLine> </address> </publisher> <availability> <licence target="http://creativecommons.org/licenses/by-nc/3.0/de/"> <p>Distributed under the Creative Commons Attribution-NonCommercial 3.0 Unported License.</p> </licence> </availability> </publicationStmt> <sourceDesc> <bibl>Decurtins, Caspar: Rätoromanische Chrestomathie</bibl> <biblFull> <titleStmt> <title level="m" type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition n="1"/> </editionStmt> <extent> <measure type="pages">7260</measure> </extent> <publicationStmt> <pubPlace>Erlangen</pubPlace> <publisher> <name>Vollmöller, Karl</name> </publisher> </publicationStmt> </biblFull> <msDesc> <msIdentifier> <repository>Digizeitschriften.de</repository> </msIdentifier> <physDesc> <typeDesc> <p>Chrestomatie</p> </typeDesc> </physDesc> </msDesc> </sourceDesc> </fileDesc> <encodingDesc> <p>Dieses Werk wurde in XML/TEI P5 kodiert.</p> </encodingDesc> <profileDesc> <langUsage> <language>Rhaeto Romanic</language> </langUsage> <textClass></textClass> </profileDesc> </teiHeader> <text> <body> 548 Andreia Grisch <lb/>
Schibagn tgi fiss interessant da reflectar las relaziungs, tgi existan <lb/>
tranter igls singuls factors oecologhics e la vegetaziung della nossa val, <lb/>
sò chegl betg neir cumpiglia ainten igl pensum della preschainta s-chizza … <lb/>
tant daplé tg' igls differents consorzis da plantas n' èn betg sulettamaintg <lb/>
dependents da tscherts factors, sondern da l' influenza digl total da chels. — <lb/>
Loancunter lainsa deluzidar ainten igl suandont curtamaintg igls prinzipals <lb/>
typus da vegetaziung, tgi rancontragn an Surses. <lb/>
I. Igls gôts. <lb/>
La furmaziung digls gôts saros, tgi s' extendan tar nous ozandé anfignan <lb/>
… sen l' otezza digl pi bler 2000 meters sur mar, tanscheva d' en taimp <lb/>
schi gliunsch scu preschaintamaintg la saletscha (flours - tgavrer etc.). La <lb/>
sia zona è damai nida sbassada per en per tschent meters, ma betg — <lb/>
scu vign savens pratendia — an consequenza d' ena disfavorevla midada <lb/>
da clima, sondern voluntariamaintg. — An tscherts lias vignan igls noss <lb/>
antecessours aveir taro igls gôts segls ôts per obtigneir igls carvungs necessaris <lb/>
… per cular crappas mineralas (usché forsa an Val Demat); igl plé <lb/>
aber bagn an volend urbarisar ed acquistar nova prada e nova pastgira. <lb/>
Er igl factum, tgi chels gôts eran per gronda part gôts da schember, d' en <lb/>
lagn ratschertgea da vaschlers e teschlers, vign strousch ad esser sto favorevel <lb/>
… per igl sies mantignimaint. Finalmaintg contribuescha er la detga <lb/>
igl sies contingent per sclareir chel problem, rachintond tg' igls gôts da <lb/>
Faller, da Val Beiva ed aintasé per Gelgia seian nias catscheas a fi per <lb/>
distruger las violas ed otra ratatuglia dubiousa. <lb/>
Ved la hodierna furmaziung coniferina de Surses sa partizipeschan <lb/>
6 sorts plantas da guglia: igl pegn, igl tiev, igl aniev, igl laresch, igl giez <lb/>
(ivez) ed igl schember. Veirs gôts furman però sulettamaintg igl pegn, <lb/>
igl tiev, igl aniev ed igl laresch, duront tg' igl schember sa catta angal <lb/>
isulo segls ôts vers igls cunfegns della regiung subalpina ed igl giez (ivez) <lb/>
sporaditsch ainten igls gôts da pegn. — Igl pegn è la nossa prinzipala <lb/>
planta da guglia. Cun el pò igl laresch, tgi furma ordinariamaintg gruppas <lb/>
piturescas a l' antschatta dellas vals lateralas, angal concorrer sen bung <lb/>
terragn umid e profond e segls ôts. Sen terragn maiersetg fòn laresch e <lb/>
pegn lartg agl tiev ed agl sies proxim paraint aniev. Tals gôts rancontrainsa <lb/>
… prinzipalmaintg a Ses, sen la bova praehistorica da Sumnegn ed <lb/>
an varsacants lias an Surgôt. <lb/>
La flora inferioura digls gôts da pegn, laresch e tiev è per ordinari <lb/>
fitg differenta. Las migldras condicziungs — surtot igl pi bler suglegl — <lb/>
porscha alla flora subalterna igl gôt da laresch. Ma er ainten la sumbreiva <lb/>
digls pegns sa sviluppescha véano buna pastgira. </body> </text></TEI>
