<TEI> <teiHeader> <fileDesc> <titleStmt> <title type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition>Digitalisierte Ausgabe</edition> </editionStmt> <extent> <measure type="pages">1</measure> </extent> <publicationStmt> <pubPlace>Köln</pubPlace> <publisher> <orgName>Sprachliche Informationsverarbeitung, Universität zu Köln</orgName> <email>buero@spinfo.uni-koeln.de</email> <address> <addrLine>Albertus-Magnus-Platz</addrLine> <addrLine>50923 Köln</addrLine> </address> </publisher> <availability> <licence target="http://creativecommons.org/licenses/by-nc/3.0/de/"> <p>Distributed under the Creative Commons Attribution-NonCommercial 3.0 Unported License.</p> </licence> </availability> </publicationStmt> <sourceDesc> <bibl>Decurtins, Caspar: Rätoromanische Chrestomathie</bibl> <biblFull> <titleStmt> <title level="m" type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition n="1"/> </editionStmt> <extent> <measure type="pages">7260</measure> </extent> <publicationStmt> <pubPlace>Erlangen</pubPlace> <publisher> <name>Vollmöller, Karl</name> </publisher> </publicationStmt> </biblFull> <msDesc> <msIdentifier> <repository>Digizeitschriften.de</repository> </msIdentifier> <physDesc> <typeDesc> <p>Chrestomatie</p> </typeDesc> </physDesc> </msDesc> </sourceDesc> </fileDesc> <encodingDesc> <p>Dieses Werk wurde in XML/TEI P5 kodiert.</p> </encodingDesc> <profileDesc> <langUsage> <language>Rhaeto Romanic</language> </langUsage> <textClass></textClass> </profileDesc> </teiHeader> <text> <body> La val Surses e la sia vegetaziung <lb/>
541 <lb/>
La defilada da Ses è angal pacs tschents meters lunga e schispert <lb/>
scu nous ischan passos igl misterious crap, von las muntognas puspè egna <lb/>
ord l' otra. <lb/>
A fons la val ramplunga anc adegna la Gelgia e sur las sias ondas <lb/>
spimontas magna en punt - lenn vé tar las ruignas <lb/>
della „Schmelza“ u <lb/>
„Ferareia de Ses“. Dasper chella sa dolza la Motta de Vallac e davos <lb/>
lezza schea igl hof Dèl, cun la sia baselgetta deditgida a s. Roc. <lb/>
Passond la davosa galareia, en lia fitg interessant per botanichers, <lb/>
aintra igl noss Stradung danovamaintg ainten igl gôt. En pitschen cart <lb/>
d' oura da viada e nous ischan Ansom - Burvagn, agl plang de Vaznoz, noua <lb/>
tgi stava d' en taimp la furtga digl tribunal de Surses. <lb/>
Davant nous sa derasa Sotgôt, igl amprem scalem della val Surses, <lb/>
ena contrada adatada per allegrar ed interessar mintg' amei della nateira. <lb/>
Passond igl hof Burvagn e caminond vers Cunter e Suagnign vign <lb/>
chel maletg veapi grondious. — La sola della val è, schi gliunsch scu <lb/>
visibla, furmada da dus terrassas, dagl plang tgi vign percuria della Gelgia <lb/>
e della terrassa tgi porta las treis vischnancas Cunter, Suagnign (S. Mitgel) <lb/>
e Tinizong. D' ena vart e da l' otra vign chel bel lartg tscharclo aint da <lb/>
muntognas massivas, las calas s' approximeschan aint davains Tinizong per <lb/>
furmar la stretga de Rona. <lb/>
Vers gl' occident sa dolza igl Piz Curver cun igls sies trabants igl <lb/>
Piz Toissa dad ena, igl Mot la Ritg, Martegnas, Crestôta ed igl Piz Mezz <lb/>
da l' otra vart. Exepzionond igl Piz Toissa, consista chella cadagna per <lb/>
gronda part ôr da schiefer - grisch. Ella sparta Surses da Schons e sa <lb/>
sbassa cun mievla pendenza dalla culmogna noagiu tar la riva della Gelgia. <lb/>
Segls ôts sa derasan spazzadas d' alps e colms; pi bass tiradas da gôts e <lb/>
numerousas aclas ed anc pi bass vign chella costera vivazitada dellas treis <lb/>
sobras vischnancas: Salouf, Parsons e Riom cun igl sies Casti antic. — Tranter <lb/>
igl Piz Toissa ed igls corns grischs digl Curver sa catta sen l' otezza da <lb/>
2434 meters sur mar igl venerabel sanctuari da Ziteil. <lb/>
Vers mezdé sa dolza l' impossanta ala da crap digl Piz Arblatsch, <lb/>
igl cal furma anseman cun igl marveglious Piz Forbisch, en bratsch lateral <lb/>
della cadagna digl Piz Platta, tgi sparta — scu continuaziung della cadagna <lb/>
digl Curver — Surgôt dad Avras. <lb/>
Tranter igl Piz Forbisch ed igl Piz Arblatsch dad ena e la cadagna <lb/>
digl Curver da l' otra vart s' extenda la val Nandro. Chella ranferma ena <lb/>
fitg interessanta flora e dombra er schiglio tar las pi belas vals alpinas <lb/>
digl Grischung. <lb/>
Manc agreabla tgi la sponda sanestra de Surses para sen l' amprema <lb/>
îglida dad esser la sia cumpogna da vart dretga. Ella vign furmada dagl </body> </text></TEI>
