<TEI> <teiHeader> <fileDesc> <titleStmt> <title type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition>Digitalisierte Ausgabe</edition> </editionStmt> <extent> <measure type="pages">1</measure> </extent> <publicationStmt> <pubPlace>Köln</pubPlace> <publisher> <orgName>Sprachliche Informationsverarbeitung, Universität zu Köln</orgName> <email>buero@spinfo.uni-koeln.de</email> <address> <addrLine>Albertus-Magnus-Platz</addrLine> <addrLine>50923 Köln</addrLine> </address> </publisher> <availability> <licence target="http://creativecommons.org/licenses/by-nc/3.0/de/"> <p>Distributed under the Creative Commons Attribution-NonCommercial 3.0 Unported License.</p> </licence> </availability> </publicationStmt> <sourceDesc> <bibl>Decurtins, Caspar: Rätoromanische Chrestomathie</bibl> <biblFull> <titleStmt> <title level="m" type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition n="1"/> </editionStmt> <extent> <measure type="pages">7260</measure> </extent> <publicationStmt> <pubPlace>Erlangen</pubPlace> <publisher> <name>Vollmöller, Karl</name> </publisher> </publicationStmt> </biblFull> <msDesc> <msIdentifier> <repository>Digizeitschriften.de</repository> </msIdentifier> <physDesc> <typeDesc> <p>Chrestomatie</p> </typeDesc> </physDesc> </msDesc> </sourceDesc> </fileDesc> <encodingDesc> <p>Dieses Werk wurde in XML/TEI P5 kodiert.</p> </encodingDesc> <profileDesc> <langUsage> <language>Rhaeto Romanic</language> </langUsage> <textClass></textClass> </profileDesc> </teiHeader> <text> <body> 4 Florin Camathias <lb/>
In zenn sin sia supia pend' el clutger antic <lb/>
E lai tunar lunsch ora siu cantic pacific. <lb/>
La tuor de cantunada, sco guardia dil contuorn, <lb/>
Surves' il segneradi ed aunc pli lunsch entuorn: <lb/>
105 Leu ves' ins las pardialas e giu spel Rein Ruaun; <lb/>
Las cuorts Surquolm, Sursaissa maneivel dil Mundaun; <lb/>
Amiez curtins fretgeivels il bi marcau de Glion; <lb/>
Ruschein cul crest de larischs e Siat leu sin il conn, <lb/>
Castials en vischinonza, sin aults spuretgs e spitgs, <lb/>
110 Baselgias sillas spundas amiez ucclauns e vitgs. <lb/>
Aschia sepresenta als egls quei mund alpin, <lb/>
La Foppa en montognas, in bi flurent curtin; <lb/>
Aschia pauca lètga avon tschun, sis tschien onns — <lb/>
Quei mund sepresentava sigl ault als perdavonts: <lb/>
115 Ed uss, cantada nossa, schi lunsch el spert turnein, <lb/>
Els onns de la historia, e sco present risdein, <lb/>
Quei che sil munt sogn Gieri, a nozzas envidai, <lb/>
Nus vein udiu en sala culs hosps leu serimnai. — <lb/>
La possessiun sogn Gieri ha uss in niev patrun 1) <lb/>
120 Sco part dil segneradi din reh pussent barun. <lb/>
Giu sper Razen sesanfla siu grond e bi casti, <lb/>
Spel Rein sin ina tumma, che varga orasi. <lb/>
Il ferm, che bia posseda, po serasar aunc pli <lb/>
E crescher sco la plonta cun maiestus tschupi. — <lb/>
125 Nummada segneria, che regia giu Razen, <lb/>
Ha en Surselv' aschia bia possessiun e quen. <lb/>
Mo sur il munt sogn Gieri ha il barun laschau <lb/>
In castellan capavel, il vegl signur ugau, <lb/>
In niebel de schlateina, il Heinric de Canal, <lb/>
130 Che sto star alla testa de tut il personal, <lb/>
Menar l' economia e bein administrar, <lb/>
Per funs e glieut fa render il tscheins ch' ei de pagar. <lb/>
1) Rem. Possessurs dil segneradi e casti Munt s. Gieri (St. Jörgenberg) ein <lb/>
stai successivamein ils sequents: Ils nobels de Freiberg, ils baruns de Vaz, la casa <lb/>
d' Austria, ils comts de Werdenberg - Sargans, ils baruns de Razen (naven dagl onn <lb/>
1343 tochen lur fin, anno 1458.), ils comts de Zollern, la claustra de Muster 1472 <lb/>
— 1539, la vischnaunca d' Uors. — Tenor in register d' intradas ord la fin digl <lb/>
11. tschentaner posseda igl Uestgiu de Cuera la baselgia de s. Gieri el casti cun <lb/>
ers, praus ed in mulin. (habet ecclesiam 3. Georgii in castello.) Mira Prof. Muoth <lb/>
„Die Herrschaft St. Jörgenberg im grauen Bund“. — </body> </text></TEI>
