<TEI> <teiHeader> <fileDesc> <titleStmt> <title type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition>Digitalisierte Ausgabe</edition> </editionStmt> <extent> <measure type="pages">1</measure> </extent> <publicationStmt> <pubPlace>Köln</pubPlace> <publisher> <orgName>Sprachliche Informationsverarbeitung, Universität zu Köln</orgName> <email>buero@spinfo.uni-koeln.de</email> <address> <addrLine>Albertus-Magnus-Platz</addrLine> <addrLine>50923 Köln</addrLine> </address> </publisher> <availability> <licence target="http://creativecommons.org/licenses/by-nc/3.0/de/"> <p>Distributed under the Creative Commons Attribution-NonCommercial 3.0 Unported License.</p> </licence> </availability> </publicationStmt> <sourceDesc> <bibl>Decurtins, Caspar: Rätoromanische Chrestomathie</bibl> <biblFull> <titleStmt> <title level="m" type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition n="1"/> </editionStmt> <extent> <measure type="pages">7260</measure> </extent> <publicationStmt> <pubPlace>Erlangen</pubPlace> <publisher> <name>Vollmöller, Karl</name> </publisher> </publicationStmt> </biblFull> <msDesc> <msIdentifier> <repository>Digizeitschriften.de</repository> </msIdentifier> <physDesc> <typeDesc> <p>Chrestomatie</p> </typeDesc> </physDesc> </msDesc> </sourceDesc> </fileDesc> <encodingDesc> <p>Dieses Werk wurde in XML/TEI P5 kodiert.</p> </encodingDesc> <profileDesc> <langUsage> <language>Rhaeto Romanic</language> </langUsage> <textClass></textClass> </profileDesc> </teiHeader> <text> <body> Introducziun <lb/>
795 <lb/>
ils umens, vegni ord ils cuolms della aulta Rhetia. Tgunsch ded encorscher <lb/>
ei igl interess politic, che dictava la cortesia della noblezia Veneziana encunter <lb/>
… nos compatriots. Vaniescha encureva de tener libers ad ella ils pass <lb/>
Grischuns et era fetg bein instruida sur l' influenza dils pelegrins el gron <lb/>
cumin della Cadi, igl emprem della Ligia Grischa. 5 <lb/>
Il viadi ha priu sia entschatta ils 14 de Matg 1591; — ils 26 de <lb/>
Matg ein ils pelegrins arivai a Vaniescha. Suenter ina demora de passa <lb/>
in meins en quei marcau ein ei sembarcai ils 29 de Zercladur e navigai <lb/>
sur Corfu, Cypern a Jaffa, nua ch' els ein arivai ils 28 d' Uost. Suenter <lb/>
in viadi sin tiara de dus dis ein ei vegnii la sera dils 30 a Jerusalem. Gia 10 <lb/>
ils 8 de Settember semetten ei puspei sin viadi, et havess bucca l' aura <lb/>
stemprada bess els empau vidaneu, fussen ei turnai silla madema via anavos. <lb/>
Ils 26 de Dezember eran ei puspei a Vaniescha et ils 13 de Schaner 1593 <lb/>
ein ei festivamein vegnii retscharts a Mustèr. Il viadi haveva aschia cuzau <lb/>
245 dis e, sco Bundi di, custau a scadin 170 crunas. 15 <lb/>
La principala persuna en quest viadi ei Jacob Bundi, de Sumvitg, <lb/>
da gliez temps plevont en sia vischnaunca nativa, silsuenter avat della <lb/>
venerabla claustra de Mustèr. Dals siat auters partiziponts, treis de Tujetsch, <lb/>
dus de Mustèr e dus de Trun, vegn ei mo casualmein fatg menziun. Era 20 <lb/>
survegn ins l' impressiun, che Bundi fuvi l' olma de l' interpresa. Ord <lb/>
quests risguards, et havent el descrett a nus il viadi, meretta el, che nus <lb/>
dedicheien ad el in pèr lingias. Las notizias, che nus possedein sur dad <lb/>
el, ein deplorablamein bucca ton numerusas. <lb/>
Jacob Bundi, oriunds dad ina veglia familia de Sumvitg, la quala 25 <lb/>
haveva dad onns enneu giu ina respectabla posiziun en la Cadi e dau a <lb/>
quella plirs mistrals e gieraus, ha probablamein fatg ses studis ad Altorf <lb/>
et ha teniu sia messa nuviala ils 31 de Matg 1584. Ladinamein eis el <lb/>
vegnius plevont a Rueun, e 1585 ha el surpriu la farria de Sumvitg. Da <lb/>
siu operar en quests dus logs havein nus naginas notizias. Igl onn 1591 30 <lb/>
vesein nus el a la testa dil pelegrinadi ella tiara sontga, il qual el ha silsuenter <lb/>
… descrett. <lb/>
Turnaus anavos ella patria, eis el puspei staus a Sumvitg. Ils 13 de <lb/>
Zercladur 1593 ei igl avat Nicolaus de Tiron morts. La „Cuorta memoria <lb/>
della historia della claustra de Mustèr“ raquenta, che Jacob Bundi segi 35 <lb/>
ladinamein serendius a Mustèr, hagi fatg empristar quel, che havevi las <lb/>
clavs et ils daners digl avat per miert, 500 renschs, „ils quals el ha partiu <lb/>
ora als gieraus dellas vischnauncas de tut il cumin, che fuvan serimnai <lb/>
enten il convent per metter e tschentar avat.“ Nunditgiont quei ei en la <lb/>
emprema elecziun vegnius elegius sco avat il plevont de Mustèr, Johannes 40 <lb/>
de Sax. Acceptont quel bucca tala nomina, ha Jacob Bundi obteniu la <lb/>
desiderada dignitat. </body> </text></TEI>
