<TEI> <teiHeader> <fileDesc> <titleStmt> <title type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition>Digitalisierte Ausgabe</edition> </editionStmt> <extent> <measure type="pages">1</measure> </extent> <publicationStmt> <pubPlace>Köln</pubPlace> <publisher> <orgName>Sprachliche Informationsverarbeitung, Universität zu Köln</orgName> <email>buero@spinfo.uni-koeln.de</email> <address> <addrLine>Albertus-Magnus-Platz</addrLine> <addrLine>50923 Köln</addrLine> </address> </publisher> <availability> <licence target="http://creativecommons.org/licenses/by-nc/3.0/de/"> <p>Distributed under the Creative Commons Attribution-NonCommercial 3.0 Unported License.</p> </licence> </availability> </publicationStmt> <sourceDesc> <bibl>Decurtins, Caspar: Rätoromanische Chrestomathie</bibl> <biblFull> <titleStmt> <title level="m" type="main">Rätoromanische Chrestomathie</title> <author> <persName> <surname>Decurtins</surname> <forename>Caspar</forename> </persName> </author> </titleStmt> <editionStmt> <edition n="1"/> </editionStmt> <extent> <measure type="pages">7260</measure> </extent> <publicationStmt> <pubPlace>Erlangen</pubPlace> <publisher> <name>Vollmöller, Karl</name> </publisher> </publicationStmt> </biblFull> <msDesc> <msIdentifier> <repository>Digizeitschriften.de</repository> </msIdentifier> <physDesc> <typeDesc> <p>Chrestomatie</p> </typeDesc> </physDesc> </msDesc> </sourceDesc> </fileDesc> <encodingDesc> <p>Dieses Werk wurde in XML/TEI P5 kodiert.</p> </encodingDesc> <profileDesc> <langUsage> <language>Rhaeto Romanic</language> </langUsage> <textClass></textClass> </profileDesc> </teiHeader> <text> <body> Novellen <lb/>
139 <lb/>
agl ustier, di quel ad ella, ch' ella duessi spitgar empau. El va en e di <lb/>
à sia dunna: „Cheu ora eis ei ina paupra giuvna, che ha ne paun ne lavur. <lb/>
Quei para aber ina brava giuvna. Nus havein nagins affons e pudessan <lb/>
prender si quella sco nies affon, essent che nus havein rauba avunda! <lb/>
Sia dunna ei da quei contenta; la giuvna vegn prida si. Ei vegn fatg ina 5 <lb/>
scartira, nua ch' ella empermetta de star adina cun els; persuenter duev' ella <lb/>
daventar l' artavla de lur gronda rauba. Els han schau ira quella giuvna, <lb/>
cun il num Maria à scola e quella ei carschida siadora ina gronda, bialla <lb/>
e perdertissima giuvna; aschia ch' ell' era lur legerment e consolaziun. <lb/>
In quart ura daven da quei marcau steva in grond e bi casti. Quel 10 <lb/>
era habitaus d' ina grova cun siu solet fegl, in giuven e brav grov. Biaras <lb/>
gadas haveva la grova intimau siu fegl de maridar; mo quel fagieva plaunsiu. <lb/>
… Mintga di visitav' il giuven grov l' ustria, nua che Maria era. Plaun <lb/>
a plaun ha el pegliau per la giuvna Maria affecziun et el ha concludiu <lb/>
de domondar quella per sia spusa. Essent el lau in di, vegn el en cuschinal 15 <lb/>
tier Maria e domonda quella, sch' ella volessi bucca maridar cun el. Quella <lb/>
aber rispunda: „Pertgei fan Els beffas cun mei? Sai jeu bein, ch' jeu, <lb/>
ina paupra matta, sai bucca daventar dunna d' in grov!“ El aber sinzerescha, <lb/>
… ch' ei seigi ad el datschiert et el seigi sedecidius de prender ella <lb/>
per dunna. Cheu declar' ella al grov, ch' ella fussi zvar disponida de 20 <lb/>
daventar sia consorta; quei sapi aber bucca tgiunsch daventar, havent empermess <lb/>
… agl ustier e sia dunna en scret de star aschi ditg, sco els vivian, cun <lb/>
els. Seigian aber quels cuntents, sche vegli ella da cor bugien daventar <lb/>
sia consorta. Ella va tier igl ustier e sia dunna e raquenta il fatg, <lb/>
sco el stetti. Quels ein stai de quei fetg contents e dian: „Ti has zvar 25 <lb/>
empermess à nus de star adina tier nus; mo ad ina semeglionta ventira <lb/>
volein nus bucca far encunter e dein nies consentiment.“ Cun legerment <lb/>
relatescha Maria al giuven grov la risposta digl ustier e quel dat ad ella <lb/>
sin la letg sia atgna cadeina d' aur e siu ani, ch' el haveva en det schent: <lb/>
„Quellas duos caussas dueian mai vegnir separadas da tei; e quellas conserva 30 <lb/>
… per adina sco ils dus pli gronds scazis!“ Gleiti suenter ein las nozas <lb/>
vegnidas celebradas pompusamein. Maria ei setratga en il casti de siu <lb/>
mariu e viveva cun quel en compleina ventira. Il giuven grov visitava <lb/>
vinavon mintga di l' ustria dils benefacturs de Maria. Quels empraven <lb/>
savens, co ei mondi; et il grov respondeva adina cun la medema consolaziun, 35 <lb/>
ch' ei mondi stupent e che Maria seigi in' excellenta consorta. Quella ventira <lb/>
dils dus consorts ha finalmein leventau el cor digl ustier gretta e scuidonza <lb/>
et el ha entschiet a dir al grov: „Bucca secugliuna, o grov; pertgei Maria <lb/>
ei bucc aschi brava, sco ti manegias! Ella ei faulsa e cugliuna tei.“ Il <lb/>
grov aber voleva quei nuota crer e sincerava, che nagin hagi ina pli brava 40 <lb/>
e fideivla consorta, ch' el e ch' el volessi metter paga il siu tgau, che quei, <lb/>
ch' el creigi, seigi ver. Il plidar leischen digl ustier haveva tonaton saviu <lb/>
metter el cor dil giuven grov il sem della disfidonza enconter sia giuvna </body> </text></TEI>
